മഹാകവി വെണ്ണിക്കുളം പുരസ്കാരം രവിവർമ തമ്പുരാന്

പ്രവാസി സംസ്കൃതിയുടെ ഈ വർഷത്തെ മഹാകവി വെണ്ണിക്കുളം പുരസ്കാരം രവിവർമ തമ്പുരാന്റെ ‘മാരക മകൾ’ എന്ന കൃതിക്ക് ലഭിച്ചു. പ്രഫ. എ.ടി. ളാത്തറ, സംവിധായകൻ ലാൽജി ജോർജ്, ബിജു ജേക്കബ് കൈതാരം എന്നിവരടങ്ങിയ ജൂറിയാണ് പുരസ്കാര ജേതാവിനെ തിരഞ്ഞെടുത്തത്. മഹാകവി വെണ്ണിക്കുളത്തിന്റെ പേരിലുള്ള ശിൽപവും പ്രശസ്തി പത്രവും അടുത്തമാസം വെണ്ണികുളത്തു നടക്കുന്ന ചടങ്ങിൽ സമ്മാനിക്കും. രവിവർമ തമ്പുരാൻ മലയാള മനോരമയിൽ സീനിയർ അസിസ്റ്റന്റ് എഡിറ്ററും, നോവലിസ്റ്റും, കഥാകൃത്തും കോളമിസ്റ്റുമാണ്.

ഭയങ്കരാമുടി, ശയ്യാനുകമ്പ, പൂജ്യം, ഓർമ നിരോധനം, മുടിപ്പേച്ച് എന്നീ നോവലുകളും  ഏഴു കഥാ സമാഹാരങ്ങളും ഉൾപ്പെടെ 15 പുസ്തകങ്ങൾ എഴുതിയിട്ടുണ്ട്. ആലപ്പുഴ ജില്ലയിലെ വെണ്മണി സ്വദേശിയാണ്.

Content Summary: Mahakavi Vennikulam Award