വരുന്ന അധ്യയന വർഷം മുതൽ അക്ഷരമാല വീണ്ടും പാഠപുസ്തകങ്ങളിൽ ഇടം പിടിക്കാൻ പോകുകയാണ്. ഭാഷാപ്രേമികളുടെ നിരന്തര ആവശ്യങ്ങൾക്കൊടുവിലാണ് ഈ തീരുമാനം. ആംഗ്യഭാഷയിലും അക്ഷരമാലയുള്ള ഭാഷയായി മലയാളം വളർന്നത് അടുത്തിടെയാണ്. മലയാളം കംപ്യൂട്ടിങ്ങിനു കൂടി ചേരും മട്ടിൽ ലിപിയിൽ ഏകീകരണവും വരുന്നു. ഇതോടൊപ്പം മറ്റൊന്നു കൂടിയുണ്ട്–ഇന്ത്യയിലെ ഏറ്റവും കടുകട്ടി (toughest) ഭാഷ എന്താണെന്ന് ഗൂഗിളിനോടു ചോദിച്ചാൽ മലയാളം എന്നായിരിക്കും മറുപടി. ഇങ്ങനെ മലയാളവുമായി ബന്ധപ്പെട്ട് എത്രയെത്ര കൗതുകങ്ങൾ, കാര്യങ്ങൾ, ചരിത്രം... പാഠപുസ്തകങ്ങളിൽ വീണ്ടും അക്ഷരമാല അച്ചടിക്കപ്പെട്ടു തുടങ്ങുമ്പോൾ ഒരു യാത്ര, അക്ഷരമാലയുടെ പിറവിയിലേക്കും വളർച്ചയിലേക്കും...