ഇടം – ആതിര ഗുപ്ത എഴുതിയ കഥ
Mail This Article
അവിടങ്ങളിലെ ചെമ്പരത്തിത്താളുകളിൽ
എഴുതിചേർത്തിരിക്കുന്ന നിന്റെ നാമം പോലെ ആശ്വാസം പകരുന്ന വേറെന്തുണ്ട്?
ഇന്നലെകളിൽ ഓർക്കാനിഷ്ടപ്പെടുന്ന ഉറക്കെച്ചിരിക്കുന്ന എന്നിലെ
എന്നെ ഇങ്ങനെയാക്കിമാറ്റിയ മറ്റെന്തുണ്ട്?
ഇഷ്ടത്തിന്റ ഘടികാരസൂചിക്കു
രാപ്പകലുകളില്ലാതെ ചലിക്കാനാവുമെന്നറിയുന്നതും
സുഖമുള്ളതല്ലാതെന്തുണ്ട്?
സങ്കടപ്പെട്ടിരിക്കുമ്പോൾ സാരല്യ, പോട്ടെ എന്നു പറഞ്ഞു കൂടെ ഇരിക്കാൻ.... വഴക്കിടാൻ... പിണങ്ങിയിരിക്കാൻ... എന്നെ അത്രയേറെ മനസിലാക്കിയ
ഇടമല്ലാതെന്തുണ്ട്?
ഈ സിനിമയൊന്നു കണ്ടുനോക്കൂ... ഈ പുസ്തകമൊന്നു വായിച്ചു നൊക്കൂ... എന്നൊക്കെ പറയാനായി ഇതുപോലൊരാളില്ലാതാകുമ്പോളറിയാം പ്രിയമല്ലാത്തതെന്തെന്ന്.....
നമുക്കിനിയിയുമൊരുപാട് കാണണം...
വീണ്ടും ഒത്തിരി സംസാരിക്കണം...
കൈകോർത്തു നടക്കണം...
എന്നിട്ടും പ്രണയമെന്ന് പറയുന്നവർക്ക് മുന്നിൽ
വീണ്ടും നമുക്ക് പ്രണയിക്കാതെ
സ്നേഹിച്ച് തോൽപിക്കണ്ടേ....?