Premium

മുഷ്ടിയുദ്ധങ്ങളുടെ ലോകവും വിഷം പുരണ്ട വാക്കുകളും

gabriel-garcia-marquez-mario-vargas-llosa
1. Gabriel García Marquez. Photo Credit: Tomas Bravo/Reuters 2. Mario Vargas Llosa Photo Credit: PIERRE-PHILIPPE MARCOU/AFP PHOTO
SHARE

ദുബായിലേക്കുള്ള എന്റെ കുടിയേറ്റം 1996 ലായിരുന്നു, അവിടെ വച്ചാണ് വാക്കുകളെനിക്ക് രണ്ടാം വട്ടം നഷ്ടമാകുന്നത്. പുതിയ നാട്, പുതിയ രീതികൾ, പുതിയ ജോലി, ഞാൻ വാക്കുകളെ മറന്നു എന്നു പറയുന്നതാവും ശരി. അങ്ങനെ മൂന്നോ നാലോ വർഷം. എന്നാലും മടങ്ങിപ്പോകാതിരിക്കാനാവില്ലല്ലോ, നാട്ടിൽനിന്ന് പുസ്‌തകങ്ങൾ വരുത്തിത്തുടങ്ങുന്നതങ്ങനെയാണ്. ആദ്യം കിട്ടിയ പുസ്‌തകങ്ങളുടെ കൂട്ടത്തിൽ ‘കോളറക്കാലത്തെ പ്രണയം’ എന്ന കൃതിയുമുണ്ടായിരുന്നു. അതിലാണോ എന്നെനിക്ക് അത്ര തീർച്ചയില്ല, ഉച്ചമയക്കത്തിനുശേഷം വീട്ടുപടിക്കൽ, സാമാന്യത്തിലധികം വളർന്ന വൃഷണങ്ങളെ കൊച്ചുകുട്ടികളെ എന്നപോലെ മടിയിൽ വച്ച് താലോലിച്ചുകൊണ്ട്, നിരത്തിലേക്ക് നോക്കിയിരിക്കുന്ന വൃദ്ധരെ കുറിച്ച് മാർകേസ് എഴുതുന്നുണ്ട്. ഫീസ്റ്റ് ഓഫ് ദ് ഗോട്ട് എന്ന കൃതിയിൽ - റഫായേൽ ട്രൂഹിയോ എന്ന സ്വേച്ഛാധിപതിയുടെ വധത്തെ ആസ്പദമാക്കി എഴുതിയ നോവലാണിത് - മാരിയോ വർഗസ് യോസയും വൃഷണത്തെക്കുറിച്ച് എഴുതുന്നു, തികച്ചും മറ്റൊരു രീതിയിൽ, ട്രൂഹിയോയുടെ കൊലയാളികളെ പൊലീസ് ഭേദ്യം ചെയ്യുന്നതിനിടെ, അതിലൊരാളുടെ വൃഷണം കത്രിക കൊണ്ട് മുറിച്ചെടുക്കുന്നതാണ് യോസ വർണിക്കുന്നത്. പുരുഷാവയവത്തെ കുറിച്ചുള്ള വർണ്ണനയിൽ ഒതുങ്ങുന്നില്ല മാർകേസും യോസയും തമ്മിലുള്ള ബന്ധം, അവർ വളരെയടുത്ത കൂട്ടുകാരുമായിരുന്നു. ആ ബന്ധത്തിന്റെ അവസാനരംഗത്തിലാണ് മെക്സിക്കോയിലെ ഒരു തിയറ്ററിൽ വച്ച്, ഒരു സിനിമയുടെ ആദ്യ ഷോയോടനുബന്ധിച്ച്, അവർ തമ്മിൽ കണ്ടത്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

നല്ലതു ചെയ്യുന്നവരെല്ലാം ദൈവമാണ് | Nikhil Siddhartha | Anupama Parameswaran Latest Interview

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}