ഒരച്ഛൻ മകൾക്കയച്ച കത്തുകൾ – ജവഹർലാൽ നെഹ്റു

വിവർത്തനം: എൻ.ജി. നയൻതാര

ഡി സി ബുക്സ്

വില: 170 രൂപ

ഇന്ദിരാഗാന്ധിക്ക് പത്ത് വയസ്സുള്ള സമയത്ത് ആ വേനൽക്കാലം മുസ്സൂറിയിൽ ചെലവഴിച്ചു. അതേസമയം അച്ഛൻ ജവഹർലാൽ നെഹ്റു അലഹബാദിലായിരുന്നു. ആ വേനൽക്കാലത്ത് നെഹ്റു തന്റെ മകൾക്ക് ഒരു കൂട്ടം കത്തുകൾ എഴുതി. ഭൂമിയുടെ സൃഷ്ടി എങ്ങനെയായിരുന്നുവെന്നും എപ്പോഴായിരുന്നുവെന്നും മനുഷ്യരും മൃഗങ്ങളും എങ്ങനെ ഉത്ഭവിച്ചുവെന്നും ലോകമെമ്പാടും നാഗരികതകളും സമൂഹങ്ങളും എങ്ങനെ പരിണമിച്ചു എന്നുമുള്ളതിന്റെ കഥകൾ അടങ്ങിയ കത്തുകളായിരുന്നു അവ. നെഹ്റുവിന് ജനങ്ങളോടും പ്രകൃതിയോടുമുള്ള സ്നേഹം വെളിവാക്കുന്ന, 1928ൽ എഴുതിയ ഈ കത്തുകൾ ഇന്നും കാലാതിവർത്തിയായി തുടരുന്നു.