Manoramaonline.com no longer supports Internet Explorer 8 or earlier. Please upgrade your browser.  Learn more »

കോർത്തെടുക്കേണ്ടത്...

flood_kerala_pic3

പുഴയ്ക്കൊപ്പം ഒലിച്ച് പോയത് 

സ്വപ്നങ്ങളും കൂടിയാണ്....

പുസ്തകങ്ങൾക്കൊപ്പം കുതിർന്നില്ലാതായത്

ഓർമകളുടെ മയിൽപ്പീലി തുണ്ടുകളും.

മോഹങ്ങൾക്കുമേൽ ഉരുൾപ്പൊട്ടിവീണപ്പോൾ

ഇല്ലാതായത് നമ്മൾ തന്നെയാണ്,

ചുരം കയറുമ്പോൾ നമ്മെ തലോടിയ

നനുത്ത കാറ്റാണ്.

ഒഴുകി പരന്ന് ഇല്ലാതായ കഞ്ഞിക്കലത്തോടൊപ്പം

വിശപ്പിന്റെ ഉരുളുകളുമുണ്ടായിരുന്നു

ഇനിയൊരിക്കലും വിശക്കാത്ത വിധം 

വയർ നിറഞ്ഞവർ നമ്മൾ.

കലങ്ങി മറിഞ്ഞ് കുതിച്ചൊഴുകിയ 

മലവെള്ളപ്പാച്ചിലിലേയ്ക്ക് തന്നെയാണ്

കണ്ണീർമഴ പെയ്ത് നിറഞ്ഞതും

പുഴയായ് പരന്നൊഴുകിയതും.

ഇല്ലാതായ ഭൂമികൾ 

ഇല്ലാതായ സ്വപ്നങ്ങൾ

ഇല്ലാതായ നമ്മൾ.

അതുകൊണ്ടു തന്നെ 

തിരിച്ചു പിടിക്കേണ്ടതും

കോർത്തെടുക്കേണ്ടതും 

ഇതൊക്കെ തന്നെയാണ്...

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.