Manoramaonline.com no longer supports Internet Explorer 8 or earlier. Please upgrade your browser.  Learn more »

വേനൽ മഴ

rain

ചുട്ടുപഴുത്തൊരാ വേനൽ ചൂടിൽ

ഒരു ചാറൽ മഴയായ് നീയണഞ്ഞ നേരം

ഒരു കുളിരായ് നീ തലോടിയപ്പോൾ

ഒരു വേളയെൻ മനം തണുത്ത നേരം

ഒരു ഗാനം നിന്നോട് മൂളിയില്ലേ

ഒരു കഥ നിന്നോട് ചൊല്ലിയില്ലേ

എന്നിട്ടും നീയെന്തേ പോയ് മറഞ്ഞു

ഒന്നും പറയാതെ പോയ് മറഞ്ഞു..

പകലു പോയ് രാത്രിയും വന്നു ചേർന്നു

അമ്പിളിമാമനുദിച്ചുയർന്നു

നക്ഷത്രം താരാട്ടു പാട്ട് പാടി

പിന്നെയുമർക്കൻ ജ്വലിച്ചടുത്തു

കത്തി ജ്വലിക്കുന്നൊരീ പകലിന്നു ഞാൻ

നിന്നെക്കുറിച്ചോർത്തു കേണിടുന്നു

നിന്നെയും കാത്തു ഞാനേകയായി

ഈ വഴിത്താരയിൽ നിന്നിടുന്നു...