ചിത്രശലഭം (കവിത)

ഇന്നലെയാണ് എന്റെ ഹൃദയത്തിൽ

ഒരു ചിത്രശലഭം വളരുന്നുണ്ടെന്നു

ഞാൻ തിരിച്ചറിഞ്ഞത്.

എന്റെ ഹൃദയതന്ത്രികളെ തഴുകിക്കൊണ്ട് അത്

മെല്ലെ ആകാശവിതാനത്തിലേക്ക് പറക്കാൻ ഒരുങ്ങി.

ആദ്യമായി തന്റെ ചിറകുകൾ വിടർത്തുന്നതിനു

മുൻപ് അത് എന്നോട് സമ്മതം ചോദിച്ചു

ചിത്രശലഭങ്ങൾക്ക് പറക്കാൻ ആരുടെയും അനുവാദം

ആവശ്യമില്ലെന്നു ഞാൻ അതിനോട് പറഞ്ഞു.

അപ്പോൾ അതെന്റെ ചെവിയിൽ ഒരു സ്വകാര്യം പറഞ്ഞു.

“നിങ്ങളുടെ ഹൃദയത്തിനും ചിറകുകൾ മുളച്ചുകഴിഞ്ഞിരിക്കുന്നു...

അതും എന്നെപ്പോലെ പറക്കാൻ തയ്യാറെടുപ്പ് തുടങ്ങിയിരിക്കുന്നു..”

അപ്പോൾ ഞാൻ തിരിച്ചറിഞ്ഞു തുടങ്ങി ..

ഞാനും ഒരു ശലഭമായി മാറാൻ തുടങ്ങിയിരിക്കുന്നു...

ആകാംഷകൾക്ക് വിരാമമായി...

കാത്തിരിപ്പിനവസാനമായി...