പ്രവാസിയുടെ വിഷു (കവിത)

വിഷു

വീണ്ടും എത്തി

ഇത്തവണയും നാട്ടിലില്ല

ഒപ്പമുള്ളത് വിഷു ഓർമകൾ മാത്രം

പാടത്തെ പറമ്പിൽ വിഷു പക്ഷി വന്നോ ആവോ

കൊയ്ത്തു കഴിഞ്ഞെന്നറിഞ്ഞു

വ്യതിയാനങ്ങളില്ലാത്ത ജീവിതത്തിൽ

ഓർമകളിൽ മാത്രം അഭിരമിക്കുന്നവനാണ് പ്രവാസി

പൊടി തട്ടിയും, അയവിറക്കിയും

മുന്നിൽ തെളിയുന്ന ഓർമകൾ

അവന് ഇന്നിന്റെ ജീവിതമാണ്

ഇന്നലെകൾ കഴിഞ്ഞു പോയെന്നും

നല്ലതെല്ലാം കൊഴിഞ്ഞു പോയെന്നും

ഒരിക്കലും അംഗീകരിക്കാത്ത മനസ്സ്

ഒരിക്കലും വരാത്ത നാളെകൾ മാത്രം

സ്വപ്നം കണ്ടും ആശ്വസിച്ചും കഴിയുന്ന ജന്മങ്ങൾ

എല്ലാവർക്കും ഹൃദയം നിറഞ്ഞ വിഷു ആശംസകൾ

ആഘോഷിക്കുക, മനസ്സിലെങ്കിലും