ജാലകം (കവിത)
Mail This Article
×
ഈറൻ നിലാവിൽ... ഈ നീലരാവിൽ...
നനവാർന്ന മിഴിയുമായ്...
പാതി ചാരിയെൻ ജാലക വാതിലിൽ...
നീ വരുവോളം മിഴി പാകി നിന്നു...
എൻ പ്രിയ ഗാനത്തിൽ പല്ലവി പാടി...
എൻ പ്രേമ സ്വപ്നത്തിൻ തേരിലേറി...
ഹൃത്തിൽ മൂടിയ പ്രണയവുമായി...
ജീവന്റെ ജീവൻ എത്തുന്നതെന്നോ?
ഇമകൾ തൻ ഹിമകണം പൊഴിയാതെ നോക്കാം
ഇണയ്ക്കായ് പാലിക്കും വാക്കു പോലെ...
ഇനി നീ വരില്ലന്നറിഞ്ഞിട്ടുമെന്തേ...
ഇന്നുമെൻ ജാലകം ഞാൻ നോക്കി നിന്നു..
ഇടതൂർന്ന വിപിനത്തെ തഴുകി തലോടി....
പാതിരാ പൂവിന്റെ ഗന്ധവുമായി...
എന്നെ ഉറക്കാൻ ഒരു കുളിർ കാറ്റായ്...
അരികത്തായ് അണയും നീ ഈ നീലരാവിൽ...
ഈറൻ നിലാവിൽ... ഈ നീലരാവിൽ...
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.