sections
MORE

ഒരു തുള്ളി വെള്ളത്തിനു വേണ്ടി തെരുവിൽ ഒരു പൈതൽ...

drinking-water
SHARE

ചൂട് (കഥ)

എന്നാലും അയാൾ പറയുന്നത് ശരിയല്ല– തെരുവിലുള്ളവരെല്ലാം തെണ്ടികൾ താൻ മാത്രം സമർഥൻ! ഇതെവിടുത്തെ ന്യായം? അതിനു മാത്രം എന്തു തെറ്റാണ് ആ കുട്ടി ചെയ്തത്? ഒന്നുമല്ലങ്കിലും ഒരു ചെറിയ പെൺകുട്ടിയല്ലെ അത്.

വെയിലിങ്ങനെ കത്തിക്കാളി നിൽക്കുമ്പോൾ ഒരിറ്റ് വെള്ളത്തിനു വേണ്ടി കൊതിക്കുന്നത് അത്ര വലിയ തെറ്റാണോ?

കട്ടിട്ടും പിടിച്ചുപറിച്ചിട്ടുമൊന്നുമില്ലല്ലൊ ആ കുട്ടി, പിന്നെന്താ?

ഏതോ വാഹനത്തിൽ നിന്നും നടുറോഡിൽ വീണ് നഷ്ടപ്പെട്ട് പോകാവുന്ന ഒരു കുപ്പി വെള്ളത്തിനു വേണ്ടിയാണ് ആ പൈതൽ നടുറോഡിലേക്ക് ഓടിയത്. ആ ഓട്ടത്തിനിടയിൽ അവളെത്ര മോഹിച്ചിട്ടുണ്ടാകും. അവളുടെ സ്വപ്നങ്ങൾക്കിടയിൽ ഇതത്ര നിസാരമായിരിക്കില്ലല്ലൊ..

അവൾ...

ഒരുപക്ഷേ തെരുവോരത്ത് ആരെങ്കിലും ഉപേക്ഷിച്ച് പോയതായിരിക്കാം അവളെ. അല്ലെങ്കിൽ അവളെ തനിച്ചാക്കി അമ്മ ഭിക്ഷാടനത്തിന് പോയതായിരിക്കാം... അവൾക്ക് ദാഹിച്ചിരിക്കാം... വിശന്നിരിക്കാം... ഒരു പക്ഷേ പ്രാണനേക്കാൾ വലുത് വിശപ്പാണെന്ന് തോന്നിയിരിക്കാം..

അതുകൊണ്ടായിരിക്കണം മറ്റൊന്നും നോക്കാതെ അവൾ റോഡിലേക്ക്‌ ഓടിയത്. ശരിക്കും അയാളാണ് തെറ്റുകാരൻ - അയാൾ തെറി പറയുന്നതൊന്നും അവൾ കേൾക്കുന്നില്ല. അവളുടെ ദാഹത്തിനും വിശപ്പിനും മുകളിലാണ് അയാളുടെ വാഹനത്തിന്റെ പിൻചക്രം കയറി നിൽക്കുന്നത്. ഒന്നു തൊണ്ട നനയ്ക്കാനാവാതെ കണ്ണ് നിറയ്ക്കാനാവാതെ .. അവൾ ഉച്ചവെയിലിൽ നിന്ന് പൊള്ളി..

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA