ചെമ്പരത്തി പൂവ് (കവിത)
Mail This Article
×
ചൂടുവാനെനിക്കെന്തുണ്ട്?
നീ തന്നൊരാ പൂവല്ലാതെ...
പുണരുവാനെനിക്കെന്തുണ്ട് ?
ആ പൂവിലെയൊരു ഇതളല്ലാതെ...
നുകരുവാനെനിക്കെന്തുണ്ട്?
ആ ഇതളിലെ കടും കയ്പ്പല്ലാതെ...
പകരുവാനെനിക്കെന്തുണ്ട്?
ആ കയ്പ്പിലെ ഇളം മധുരമല്ലാതെ...
പൊഴിയുവാനെനിക്കെന്തുണ്ട് ?
ആ മധുരത്തിലൂറുമെൻ കണ്ണീരല്ലാതെ...
അലിയുവാനെനിക്കെന്തുണ്ട്?
ആ കണ്ണീരിലടിയും നിൻ ഓർമയല്ലാതെ...
നേടുവാനെനിക്കെന്തുണ്ട്?
ആ ഓർമയിലിരച്ചെത്തും നിന്നെയല്ലാതെ...
നൽകുവാനെനിക്കെന്തുണ്ട് ?
നിനക്കായ് തുടിക്കുമെൻ ഹൃദയമല്ലാതെ..!
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.