ADVERTISEMENT

മരുഭൂമിയുടെ ഗർഭപാത്രത്തിൽ കിടക്കുന്ന

വിത്തിനു പറയാനുണ്ടാകും

മുളപൊട്ടി മരമായി മാറാൻ

മഴയെ കാത്തിരുന്ന കാലത്തിന്റെ കഥ.

               മഴ വന്ന് മണ്ണിൽ പതിക്കുമ്പോൾ

               ഉണങ്ങിത്തരിച്ച മരുഭൂമിക്ക് പറയാനുണ്ടാകും

               പച്ച പുതക്കാൻ കാത്തിരുന്ന കാലത്തിന്റെ കഥ

അന്ന് മഴക്ക് പറയാനുണ്ടാകും

പുഴയായൊഴുകി കടലിൽ പതിക്കാൻ  

കാത്തിരുന്ന കാലത്തിന്റെ കഥ.

               തിരയാഞ്ഞടിക്കുമ്പോൾ കടലിന് പറയാനുണ്ടാകും

               നിരാവിയായി മാറി കാർമേഘളോടൊപ്പം പാറിക്കളിക്കാൻ

               കാത്തിരുന്ന കാലത്തിന്റെ കഥ

ഓരോ കാർമേഘത്തിനും പറയാനുണ്ടാകും

വീണ്ടും മഴയായി മണ്ണിൽ പതിക്കാൻ

കാത്തിരുന്ന കാലത്തിന്റെ കഥ.

               അങ്ങിനെയോരോരുത്തർക്കും പറയാനുണ്ടാകും

               മറ്റുചിലർക്കുവേണ്ടി കാത്തിരുന്ന കാലത്തിന്റെ കഥകൾ

എനിക്കുമുണ്ടങ്ങനെയൊരു കഥ പറയാൻ

കേട്ടിരിക്കാനൊരാളെ കാത്തിരിക്കയാണ് ഞാൻ..

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com