sections
MORE

കടൽചിന്തകൾ (കവിത)

coral-reef
പ്രതീകാത്മക ചിത്രം
SHARE

നീ ആഴങ്ങളിൽ ആയിരുന്നു, ഞാൻ തീരത്തും.

ആർത്തിരമ്പുന്ന ആഴക്കടലിലെ അടിയൊഴുക്കുകളിലും, ചുഴികൾക്കുമിടയിൽ  

നീ എങ്ങനെ പിടിച്ചുനിൽക്കുന്നു എന്നത് എന്നെ അത്ഭുതപെടുത്തിയിട്ടുണ്ട്.

തിരമാലകൾ നിന്നെ എന്നിലേക്കെത്തിക്കുമെന്നു വിശ്വസിച്ച വിഡ്ഢി ആയിരുന്നു ഞാൻ. 

പക്ഷേ, നീ ആഴക്കടലിന്റെ പ്രക്ഷുബ്ധതകൾക്കിടയിലും പറ്റി പിടിച്ചുവളർന്നു. 

ഞാൻ  തീരത്തെ  പാറക്കെട്ടിലും.

കരയിലെ തിരമാലകളെ നേരിടുന്നത് വലിയ കാര്യം ആയി ഞാൻ കരുതിയിരുന്നു, 

എന്നാൽ ആഴക്കടലിലെ ക്ഷോഭങ്ങൾക്കിടയിൽ ഇവ വെറും നിസ്സാരർ ആണെന്ന് അറിഞ്ഞിരുന്നില്ല. 

പ്രശ്നങ്ങളെ നേരിടാൻ നിന്റെ പുറംതോടുകളെ നീ മറയാക്കി, 

നിന്റെ കണ്ണുനീർ തുള്ളികൾ മുത്തുകൾ ആയും മാറി.

പക്ഷേ, ചെറിയ തിരമാലകൾ  പോലും എന്റെ ദേഹത്തു തട്ടുമ്പോൾ 

തൂങ്ങി വീഴുമോ എന്നു ഭയപ്പെട്ട ഞാൻ ആ പാറയിൽ അള്ളി പിടിച്ചിരുന്നു. 

എന്റെ ഉള്ളുപൊള്ളയായും മാറി.

ദുഷ്കരമായിട്ടും നിന്നെ തേടി ആളുകൾ വന്നു കൊണ്ടിരുന്നു

തീരത്തു തന്നെ ഉണ്ടായിട്ടും എന്നെ ആരും കണ്ടില്ല.

വന്നവരുടെ തന്നെ കാലും കൈകളും എന്റെ  മുരുമുരുത്ത ശരീരത്തിൽ തട്ടി കീറി പോയിരുന്നു.

ഞാൻ പാറക്കെട്ടിൽ വളർന്നു തളർന്ന തോടുമാത്രം ഉള്ള കക്ക ആയിരുന്നു

നീ ആഴക്കടലിൽ വിരിഞ്ഞ പവിഴവും.

കാലം നിന്നെ രാജസദസ്സിലും, ആരും അസൂയയോടെ നോക്കുന്ന മണിമാളികകളിലും എത്തിച്ചു.

ഞാൻ അപ്പോഴും ആ പാറക്കെട്ടിൽ പറ്റി ചേർന്നു നിന്നെയും കാത്തിരുന്നു.

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA