കണ്ണനെ തേടി (കവിത)

നീലക്കടമ്പിന്റെ തണലിലും

കാളിന്ദിതൻ തീരത്തും

നിന്നെതേടി ഞാനിന്ന് അലയുന്ന നേരം

നിൻ ചുണ്ടിലുണരുന്ന

മുരളീനാഥമെൻ കാതിൽ പെയ്യുന്ന നേരം

ഒരു തൂവൽ പോലിന്ന് ഞാൻ

കാറ്റിലൊഴുകുന്നു നിൻ

 മുരളീരവത്തിനൊപ്പം

എവിടെ നീ എൻ കണ്ണാ

എൻ നിദ്രയിലലിഞ്ഞാ

സുന്ദരസ്വപ്നമായ് മാറു നീ

നീലക്കടമ്പിന്റെ ചോട്ടിലും കണ്ടില്ല

കാളിന്ദിതൻ തീരത്തും കണ്ടില്ല

അലയുന്നു കണ്ണാ ഞാൻ നിന്നെയും തേടി

ഒഴുകുന്നൊരി നീരുറവപോൽ

എന്നിലെ സ്നേഹവും ഒഴുകുന്നു

നിന്നിലേക്കായ്

ഒരു കൃഷ്ണകതിരുപോലെൻ മനം

ഉലയുന്നു ഈ കുളിർ കാറ്റിനൊപ്പം

നീ എത്ര അകലെയാണെങ്കിലും

അറിയുന്നു ഞാൻ നിന്റെ സ്നേഹഭാവം

എവിടെ എൻകണ്ണാ നീ...

അലയുന്നു ഞാൻ ഇന്നും

നിൻ മുരളീരവത്തിനൊപ്പം

തുടരട്ടെ ഞാൻ ഇന്നും

ഈ യാത്രയെന്നെന്നും നിൻ

മുരളീരവത്തിനൊപ്പം