sections
MORE

അഭയാർഥിക്കുഞ്ഞുങ്ങൾ (കവിത)

alan-kurdi
SHARE

കരൾ പിളർക്കും നെഞ്ചുപൊട്ടും വേദനയായി 

കടൽ തീരമണഞ്ഞുറങ്ങിയ അലൻ കുർദി 

അച്ഛന്റെ തോളത്തിറുക്കിപ്പിടിച്ചുറങ്ങിയ വലേറിയ 

കൊടും ചൂടിൽ മരുമണ്ണിലമർന്നുറങ്ങിയ ഗുർപ്രീത് 

ചേറിൽ പുതഞ്ഞു മരവിച്ചുറങ്ങിയ ഷൊഹെത് 

               കണക്കില്ലാ പൊലിഞ്ഞോരു അഭയാർത്ഥിക്കുഞ്ഞുങ്ങളേ

               നിങ്ങൾക്കഭയം കിട്ടിയില്ലേ? 

               അവിടെ ആ കടൽക്കരയിൽ, ആ നദിക്കരയിൽ, 

               ആ മരുമണ്ണിൽ, ആ ചെളിമണ്ണിൽ....? 

ശൈശവം പിന്നിടും മുൻപേ പൊലിഞ്ഞോരു

കുഞ്ഞാത്മാക്കൾ തൻ നിലവിളികൾ 

തിരമാലകളിലൂടൊഴുകി കടൽ കടന്നൊഴുകി 

കാറ്റിലൂടൊഴുകിപ്പരന്നു വാനോളമെത്തി 

               കണ്ടു കരഞ്ഞിടുന്നു ലോക ജനതയിപ്പോഴും 

               കാലമൊരിക്കലും മറക്കാത്ത നിൻ ചിത്രങ്ങൾ 

               നിങ്ങൾക്കു മരിക്കാൻ കഴിയില്ല മക്കളേ

               നിന്നിലൂടെ പഠിക്കാൻ ശ്രമിക്കുന്നു ലോകർ ...

നിങ്ങൾ പഠിപ്പിക്കുന്നു ലോക ജനതയെ

അഭയം തേടിയുള്ള പാലായനമരുതെന്ന പാഠം 

പിറന്ന നാട്ടിലവർക്കവകാശമുണ്ടെന്ന പാഠം 

പിറന്ന ഭൂമിയിൽ ജീവിക്കാനർഹതയുണ്ടെന്ന പാഠം 

               ഇനിയും കുർദിമാരുണ്ടാകാതിരിക്കാൻ 

               കുഞ്ഞു ഹൃദയ താളങ്ങൾ നിലയ്ക്കാതിരിക്കാൻ 

               സുരക്ഷയുടെ വൻ കോട്ട കെട്ടിപ്പടുക്കുവാൻ 

               ലോക സമാധാനത്തിനായ് കൈകൾ കോർത്തൊരുമിച്ചിടാം  

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA