എങ്ങനെ വളർത്തും മകളെ നിന്നെയീ നികൃഷ്ടമാം ലോകത്തിൽ ?

penkaneer-poem-babitha-sudhir
SHARE

പെൺകണ്ണീർ (കവിത)

വിശാലമാം ലോകത്തിലൊരു കോണിൽ,  നിൽക്കുന്നുണ്ടൊരു കണ്ണീർ

പുഴയായ് ഒഴുകാൻ

മാത്രമുണ്ടെന്നാകിലും. 

തുളുമ്പാൻ ആവില്ലെനിക്ക്. 

പേടിയാണെനിക്ക് രാത്രികളെ. 

പേടിയാണെനിക്ക് പകലുകളെ. 

പേടിയാണെനിക്ക് പെട്രോളിനെ, 

പേടിയാണെനിക്ക് നിൻ 

സഹായ ഹസ്തങ്ങളെ. 

പേടിക്കാതിരിക്കാൻ ആവില്ല ഇനിയി പെൺ

ജന്മങ്ങൾക്കൊന്നിനും. 

എങ്ങനെ വളർത്തും മകളെ നിന്നെയി  നികൃഷ്ടമാം 

ലോകത്തിൽ.

മടുക്കുന്നില്ലേ 

വെറുക്കുന്നില്ലേ, 

ക്രൂരലോകത്തെ. 

ഓടുന്ന വണ്ടിയിൽ 

പറയാൻ പറ്റാത്ത വിധം 

കുഞ്ഞേ നീ 

പീഡിപ്പിക്കപ്പെട്ടപ്പോഴും,  

സ്വന്തം വീടെന്ന

 കൂരയിൽ 

ചവിട്ടി

അരയ്ക്കപ്പെട്ടപ്പോഴും 

അകലെയാ ദേവാലയത്തിൽ ദിനമെണ്ണാനാകാതെ 

നീ കരഞ്ഞപ്പോഴും. 

ഇരുട്ട് വീണ കുറ്റിക്കാട്ടിൽ 

ആരൊക്കെയോ ചേർന്ന് 

നിന്നെ ഭോഗിച്ചു, 

കത്തിച്ചപ്പോഴും. 

തുറക്കാത്ത കണ്ണുള്ള  നീതി ദേവതേ...

കണ്ണു തുറന്നാൽ 

സ്വയം പെണ്ണെന്നു തിരിച്ചറിയില്ലേ,

നിന്നമ്മയും പെണ്ണല്ലേ,

ഏത് കൈകളിലാണ് 

നിനക്ക് രക്ഷ. 

ഏത് മനസ്സിലാണ് നിനക്ക് സ്വാന്തനം. 

ഏത് രാവിലാണ് നിനക്ക് സുഖനിദ്ര. 

ഏത് കാറ്റിലാണ് നിൻ കളികൊഞ്ചലുകൾ. 


English Summary
: Poem 'Penkaneer' by Babitha Sudhir

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
FROM ONMANORAMA