sections
MORE

പിന്നയീ കോടമഞ്ഞിലേക്കൊന്നിച്ചകലാം

മഞ്ഞുകൂടാരരാവുകൾ (കവിത)
പ്രതീകാത്മക ചിത്രം
SHARE

മഞ്ഞുകൂടാരരാവുകൾ (കവിത)

മഞ്ഞുപുതച്ചു സുന്ദരിയാം മലനിരമുകളിലീ, 

മുഗ്ദസുന്ദരവനികൾക്കു നടുവിലീരാവിൽ

സുന്ദരമാമീപ്പർണ്ണകൂടാരത്തിലിന്നു ഞാൻ

മൃദുകമ്പളം പുതച്ചു നിന്നേ കാത്തുനിൽപ്പൂ,. 

അണിവിരൽ തുമ്പിലെ തണുചന്ദനം പോൽ 

നിന്നരുമയാം തൂമുഖം മുന്നിൽ തെളിയവേ, 

തണുനിലാവും സുഗന്ധിയാം കാറ്റും, 

ഇഴചേർന്നെന്നേമൂടും കുളിർമ്മഴയായി. 

സുന്ദരതൽപ്പത്തിലഴകിൻ ശിൽപം നീ,

ആദ്യപ്രേമകൗതുങ്ങളാലെന്നങ്കുലികൾ, 

നിന്നിളംമേനിയിൽ ചിത്രങ്ങൾകോറവേ, 

ലാസ്യലഹരിയിൽ നീയാകെ പൂത്തുപോയ്. 

തേന്മാവിൽ പടർന്ന വല്ലരിയെന്ന പോൽ

നിൻപൂവല്ലികളിൽ പടർന്നുകയറി ഞാനും, 

രാപ്പൂക്കളറിയാതെ നാം തമ്മിലലിഞ്ഞീടവേ,

ഈ രാവിന്മദഗന്ധങ്ങൾ കാറ്റിൽ പരക്കുന്നു. 

ഈ രാവു തീരുവോളമീനിലാവലിയുവോളം, 

ചന്ദനഗന്ധമോലും നിൻ പൂമൃദുമേനിയിൽ, 

ചുംബനപൂക്കളായ് ഞാനുതിർന്നു വീഴാം, 

പിന്നയീ കോടമഞ്ഞിലേക്കൊന്നിച്ചകലാം. 

English Summary: Manju Koodara Ravukal Poem By Shyam Punaloor

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
FROM ONMANORAMA