sections
MORE

താലിച്ചരടിൽ തൂങ്ങിയാടിയ പാതിമുറിഞ്ഞ അക്ഷരത്താളിൽ പ്രതികാര വിങ്ങൽ...

പൊക്കിൾക്കൊടി വേരുകൾ(കവിത)
പ്രതീകാത്മക ചിത്രം
SHARE

പൊക്കിൾക്കൊടി വേരുകൾ(കവിത)

ജീവിക്കാൻ മറന്നതോർത്ത നിലാരാവിൽ 

കൊത്തി എറിഞ്ഞ സ്വപ്നചിറകുകളിൻ വിലാപകീർത്തനം....

തേനും വയമ്പും ചേർത്ത് കൂട്ടി തുന്നിച്ചേർത്ത 

അണ്ണാക്കിൻ ആഗ്രഹങ്ങൾ തൻ  വന്യശീൽക്കാരം...

ഓർമയിൽ അച്ഛൻ കെട്ടിത്തന്ന ചിലങ്കക്കാലിൽ

സദാചാര ചങ്ങലയിൻ മുറിപ്പാട്....

കുത്തിയ കാതിൽ നിന്നൂറിയ ചോരത്തുള്ളികളിൽ

അലങ്കാര ശിൽപ ചിത്ര രേഖ...

കറുത്ത പൊക്കിൾ കുഴിയിലേക്ക് ചാഞ്ഞിറങ്ങുന്ന

ചുവന്ന ഗർഭ വേരുകൾ...

എഴുന്ന എല്ലുകളിൻ മന്ദഹാസം ചേർന്ന്പാടിയ 

പുകക്കുഴലിൻ നിശബ്ദരാഗം...

താലിച്ചരടിൽ തൂങ്ങിയാടിയ 

പാതിമുറിഞ്ഞ അക്ഷരത്താളിൽ പ്രതികാര വിങ്ങൽ...

മാറാല കെട്ടിയ ജരാനര സിന്ദൂര ചെപ്പിൽ

ഇന്നും ചുക്കി ചുളുങ്ങിയ കാർമുകിൽ പുഞ്ചിരി...

English Summary: Pokkilkkodi Verukal Poem By Gloria Varghese Kootunkal

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
FROM ONMANORAMA
;