ഒരു നുള്ളു ചുവപ്പിൽ വധുവുമായി, ഒടുവിലൊരു ചുവന്ന പ്രളയത്തിൽ ഞാനെന്ന പെണ്ണിന്റെ...

ചുവപ്പ് (കവിത)

ഓണംപൂവട്ടിയിൽ ഞാൻ നിറച്ച  പൂക്കളെല്ലാം ചുവപ്പ്, 

ചെമ്പരത്തിയും തെച്ചിയും കുഞ്ഞു കുഞ്ഞു പനിനീർ പൂക്കളും ചുവപ്പ് .

മുറുക്കി തുപ്പി, തെച്ചിയെ ചോപ്പിച്ച പൂതം 

ചുവപ്പണിഞ്ഞെൻറെ  കുഞ്ഞുറക്കം കെടുത്തി. 

പിന്നെ ഒരു തുള്ളി ചുവപ്പിൽ ഞാനൊരു പെണ്ണും ,

ഒരു നുള്ളു ചുവപ്പിൽ വധുവുമായി, 

ഒടുവിലൊരു ചുവന്ന പ്രളയത്തിൽ ഞാനെന്ന പെണ്ണിന്റെ 

പൂർണതയിരുന്നു കരഞ്ഞു.

പച്ചയും വെള്ളയും വായിലിട്ടു ചുവപ്പാക്കി ഞാനെൻറെ 

കൊച്ചുമക്കളെ   അതിശയ കടൽ കാണിച്ചു. 

ഒടുവിൽ പട്ടടയിൽ  ഞാൻ കത്തിയമർന്നതും 

ഒരു ചുവന്ന പൊൻപട്ടണിഞ്ഞു,

English Summary : Chuvappu Poem By Dr Ramya Raghavan.P