sections
MORE

സ്വന്തം ശരീരത്തിലേക്കുറ്റു നോക്കി ഉരുകുന്ന ചൂടിൽ ഉരുകി ഒലിച്ചു സ്വയം നാറുന്നതാണോ?

ശവംനാറി (കവിത)
പ്രതീകാത്മക ചിത്രം
SHARE

ശവംനാറി (കവിത)

നാറ്റം!

നാറുന്നു ചുറ്റിലും

തിരഞ്ഞൊന്ന് ചുറ്റും

കണ്ടെത്താനായില്ല ഉറവിടം

മാറാല പിടിച്ച മുറികൾ

പൊടി പിടിച്ച ചിത്രങ്ങൾ

എല്ലാം തുടച്ച് വെടിപ്പാക്കി

ഇല്ല. അസഹനീയമായ നാറ്റം

പ്ലാസ്റ്റിക് ഉരുകുന്നോ.

അല്ല. അതല്ല.

പഴന്തുണികൾ കത്തിച്ചു

അലമാരകൾ വൃത്തിയാക്കി

ജനൽപടിയിൽ ചതഞ്ഞരഞ്ഞ ഗൗളിയാണോ?

മാർജാരനാൽ പാതിജീവനായ പാറ്റയാണോ

അല്ല. അതൊന്നുമല്ല.

അസഹനീയമായ നാറ്റം.

സ്വന്തം ശരീരത്തിലേക്കുറ്റു നോക്കി

ഉരുകുന്ന ചൂടിൽ ഉരുകി ഒലിച്ചു

സ്വയം നാറുന്നതാണോ?

സുഗന്ധമുള്ള സോപ്പൊരെണ്ണം

തിരഞ്ഞെടുത്ത് ഒന്ന് കുളിച്ചു

രണ്ട് കുളിച്ചു.. വീണ്ടും വീണ്ടും കുളിച്ചു

ഇല്ല. മാറുന്നില്ല. അസഹനീയം..

മണമുള്ള പൗഡറിനും അത്തറിനും 

മാറ്റാനാവാത്ത വിധമോ!!!

ശവം കരിയുന്ന നാറ്റമല്ലേ..

അതെ. അതാണ്. എവിടുന്നാണ്!

അടുത്തെങ്ങും നടന്നില്ല മരണം

അടുത്തെങ്ങുമില്ല ശ്മശാനം.

ഉള്ളിൽ നിന്നാണ്

എന്റെ ഉള്ളിൽ നിന്നും.

എന്നെന്നേക്കും ഒഴിവാക്കിയെങ്കിലും

തീരാനോവുകൾ അവശേഷിപ്പിച്ചു

പോയ പല ശവങ്ങൾ!

പണ്ടേ തീയിട്ടതാണ്. 

അണയുന്നില്ല. കത്തിതീരുന്നുമില്ല.

അവയുടെ നാറ്റം.

അസഹനീയം ഈ ശവംനാറി.

English Summary : Shavam Nari Poem By Dr. Sobha Satheesh

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA
;