sections
MORE

കവചമായ് പരിചയായ് കനിവിൻ കരുത്തുമായ് കാലിടറാതെ പൊരുതുന്ന നാടാണ് കേരളം...

എന്റെ കേരളം (കവിത)
SHARE

എന്റെ കേരളം (കവിത)

കാലനണുരൂപനായ് കലിയുഗക്കളരിയിൽ, 

കണ്ഠത്തിലിടറുന്ന പ്രാണനെക്കവരവേ...

കവചമായ് പരിചയായ്  കനിവിൻ കരുത്തുമായ് 

കാലിടറാതെ പൊരുതുന്ന നാടാണ് കേരളം... 

ജ്വരക്കട്ടിലോരത്ത് തൂവെള്ള ദേവകൾ 

വരമരുന്നേകുന്ന വീടാണ് കേരളം... 

ആർത്തന്റെ ബോധനൂലറ്റം പിടിക്കുന്ന,  

ആർദ്രമാലാഖകൾ മിഴിയാണ് കേരളം... 

വാക്കിൻ  മുനക്കത്തി രുധിരം ചുരത്താത്ത,  

കാക്കിതൻ കാവലിൻ തണലാണ് കേരളം... 

വെയിലുരുകി വീഴുന്ന വഴികളിൽ നീതിതൻ 

വിധിവാക്കുതിർക്കുന്ന നാവാണ് കേരളം... 

കുഞ്ഞിന്റെ കണ്ണുനീരുപ്പിൽ കലങ്ങാത്ത, 

കഞ്ഞിക്കലങ്ങൾ തൻ വറ്റാണ് കേരളം... 

വറ്റാത്ത കരുതലിന്ന ക്ഷയപാത്രത്തി-

ലുറ്റവർക്കുയിരൂ ട്ടുമമൃതാണ് കേരളം...

നോവിന്റെ കാഴ്ചകൾ ഹൃദയത്തിലൊപ്പുന്ന,  

നേരിന്റെ 

ക്യാമറക്കണ്ണാണ് കേരളം... 

തൂലികത്തുമ്പിലെ സാന്ത്വനപ്പാലുണ്ട്,  

തോൽക്കാത്ത മസ്തിഷ്കബോധമെൻ കേരളം... 

വിജനജനപഥ

ത്തെരുവുകൾ പൂക്കുവാൻ,  

പ്രജകളരചരായ് പൊരുതുന്ന കേരളം... 

തളരാതെ തകരാതെ വരളാതെ വളരുന്ന,  

തലയെടുപ്പിൻ വിശ്വവിനയമെൻ കേരളം...  

പ്രത്യയശാസ്ത്രകൊടിക്കൂറനൂലുകൾ,  

മർത്യസ്നേഹാർദ്രമായ് പുണരുന്ന കേരളം... 

സഹ്യ ശൈലജതരുലതകൾ കാക്കുന്ന,  

മഹാവിജയതീരമേ,  നിൻ പേര് കേരളം.... 

(ഡോ. എസ്. ഗോപകുമാർ, അസോസിയേറ്റ് പ്രൊഫസർ / ആർ.എം.ഒ, ഗവണ്മെന്റ് ആയുർവേദ കോളേജ്, തിരുവനന്തപുരം.)

English Summary : Ente Keralam Poem By Dr.S. Gopakumar

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN YOUR CREATIVES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA
;