അടയാളമില്ലാത്തത് – വിജയൻ പാറയിൽ എഴുതിയ കവിത

രാഷ്ട്രത്തിനും, രാഷ്ട്രീയത്തിനുമുണ്ട് അടയാളങ്ങൾ

ജാതി, മത, ദൈവങ്ങൾക്കുമുണ്ട് അടയാളങ്ങൾ

സ്ത്രീ, പുരുഷ, സസ്യ ലതാദികൾക്കുമുണ്ട്

അടയാളങ്ങൾ

സുഖ, ദുഃഖ, പ്രണയത്തിനുമുണ്ട്

അടയാളങ്ങൾ

ഈറ്റു നോവിനും, കാറ്റിനുമുണ്ട്

അടയാളങ്ങൾ

കാലനും, കാലത്തിനുമുണ്ട്

അടയാളങ്ങൾ

സർവ്വ ചരാചരങ്ങൾക്കുമുണ്ട്

അടയാളങ്ങൾ

അടയാളമില്ലാത്ത,തൊന്നുമാത്രം

 " വിശപ്പ്  "

അത് അനുഭവിച്ചറിയണം.