ദുരിതപ്പെയ്ത്ത് – എൻ രാമചന്ദ്രൻ എഴുതിയ കവിത
Mail This Article
×
കടവിനെതൊട്ട്
കരകവിയുന്ന
പുഴയുടെ രോദനം
പകലേതെന്നറിയാതെ
കൂട്ടമായെത്തുന്ന
കിളികളുടെ
കൂട്ടക്കരച്ചിൽ
ചുറ്റും വേലിതീർത്ത
കടപുഴകുന്ന
വടവൃക്ഷങ്ങളുടെ
ഗർജനം
കുത്തിയൊലിക്കുന്ന
മലവെള്ളപ്പാച്ചിലിൽ
മലക്കം മറിയുന്ന
പാറക്കെട്ടുകൾ
പകലിനെ ഇരുട്ടാക്കി
പകപോക്കാനൊരുങ്ങി
പ്രകൃതിയുടെ രൗന്ദ്രം
മണ്ണും മരങ്ങളും
പ്രണയിക്കുന്ന
തീക്ഷ്ണതയുടെ
അന്ധകാരം
ദുരിതപ്പെയ്ത്തിൻറെ
നേർക്കാഴ്ചയിൽ
ഇടതടവില്ലാതെ
പെരുമഴക്കാലം
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.