മരണമെന്ന സത്യം - എൻ. രാമചന്ദ്രൻ എഴുതിയ കവിത
Mail This Article
×
പതിയിരുന്ന്
ഇര പിടിക്കുകയാണ്
മരണമെന്ന
സത്യം
അന്ധതയിൽ
അഗാധതയിൽ
ഗാഢമായ
നിദ്രയെ പുണരാൻ
അസമയങ്ങളിലും
കടന്നുവരുന്ന
അപരിചിതൻ
വേദനയിലും
നിദ്രയിലും
വാരിപ്പുണരുന്ന
അദൃശ്യൻ
പതിയിരുന്ന്
ഇര പിടിക്കുകയാണ്
മരണമെന്ന
സത്യം
ഭൂതകാലം
തിരിച്ചറിയാനാവാതെ
വർത്തമാനത്തെ
നിശ്ചലമാക്കി
ഭാവിയെ
അറിയാതെ
മരണമെന്ന
സത്യം
കാറ്റായും
പ്രളയമായും
അഗ്നിയായും
പ്രകൃതിയുടെ
ദീർഘശ്വാസമായ്
ജല്പനകളായ്
മരണമെന്ന
സത്യം
അമ്മയെപ്പലെ
സ്നേഹിച്ച്
തലോടിയുറക്കി
കയൽക്കാറ്റിന്റെ
ലാളനത്തിൽ
ചുകപ്പിൻറെ
ചക്രവാളത്തിൽ
മുങ്ങിത്താഴുന്ന
ജ്യോതിസ്സിനെപ്പോലെ
മരണമെന്ന
സത്യം
പതിയിരുന്ന്
ഇര പിടിക്കുകയാണ്
മരണമെന്ന
സത്യം
ഇന്നലെയും
ഇന്നും
നാളെയും
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.