മലയാളമാണെന്റെ മാതൃഭാഷ

മാധുര്യമൂറുന്ന തേന്മൊഴികൾ

അമ്മയാംമലയാളം നന്മയാം മലയാളം

അമ്മിഞ്ഞപ്പാൽപോൽ മധുരം മലയാളം .

വാക്കാണു സത്യമെന്നോതുമ്പോഴും

 നാക്കിൽ വരുന്നൊരി മാതൃഭാഷ.

 മലയാള ദേശത്തിൻ മഹിമകൾ പാടുവാൻ

 അലകളായൊഴുകുന്നു മധുരം മലയാളം.

 കളകളമൊഴുകുന്ന പുഴകളിൽ ഒളി പകരും

 കളങ്കമില്ലാത്തൊരെന്റെ ഭാഷ

 മൊഴിയിലും പൊരുളിലും ഹൃത്തിൽ പതിയുന്ന,

 മൊഴിമുത്തായ് തീരുന്നെൻ മധുരം മലയാളം.

 പൂവിന്റെ മാധുര്യം എൻ മലയാളം .

 പുഴയുടെ ഓളങ്ങളെൻ മലയാളം

 മലയുടെ , കാട്ടിന്റെ കാട്ടാറിൻ ചിലമ്പിന്റെ ,

 കാനനച്ചോലയിലൊഴുകും മലയാളം.

 വയലിൻ വരമ്പിന്റെ സൗന്ദര്യധോരണിയാൽ

 വയലേല പച്ചപ്പട്ടു വിരിക്കുമ്പോൾ

 കാണാമറയത്തുന്നോടിയെത്തുന്ന

 കിളികൾ തൻ മൊഴിയുമെൻ മധുരം മലയാളം.

 ആടാം പാടാം കാളികളോടൊത്തു പാടാം

 മാധുര്യമൂറുന്ന മാതൃഭാഷ.

 ഹൃദയത്തിൽ നിന്നും ഉയർന്നു വരുന്നൊരു

 മധുരമാം ഭാഷയാണെന്റെ ഭാഷ

 മധുരമാം മലയാളമെന്റെ ഭാഷ