എഴുതുവാനുള്ളത് – റിഷ്മ.ആർ എഴുതിയ കവിത
Mail This Article
×
തൂലികത്തുമ്പിലൂറുവാൻ
ഇനിയുമെൻ ധമനികളിൽ
ഒഴുകുന്നൂ നിണം
പതിയെ പരക്കുന്നോരക്ഷരവടിവുകളിൽ
പ്രണയത്തിൽ ഹൃദയരൂപം
കുതിച്ചു തുള്ളും മഷിത്തുള്ളിയിൽ
പക്ഷ്മാഗ്രബിന്ദുക്കൾ
ഇടതേക്കുചരിയുന്ന കോറിവരകളിൽ
സൗഹൃദമഴച്ചാറ്റൽ
നിവർന്നു കാണും കുത്തിവരകളിൽ
പ്രതിഷേധത്തിന്റെ തല കുനിയാ നിലനിൽപ്പുകൾ
വെട്ടിത്തിരുത്തലിൽ മീതേ എഴുതി
മാറ്റിവരയ്ക്കാൻ നിനച്ചനിമിഷങ്ങൾ
കുടഞ്ഞ് കുടഞ്ഞ് തെളിഞ്ഞതിൽ
ഉപാധികളില്ലാത്ത ക്ഷമാപണങ്ങൾ
അധികം തെളിയാ വരികളിൽ
പിന്നിട്ട കാലത്തിൻ വിസ്മൃതി ചിന്തുകൾ
ശൂന്യ പാത്രമായൊഴിയാനൊരുങ്ങുകയില്ല ഞാൻ
നിറയ്ക്കുന്നു വീണ്ടും
ഇനിയുമെൻ ധമനികളിൽ ഒഴുകുന്ന ചെന്നിണം..
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
