നടക്കാനിറങ്ങുമ്പോൾ - അജേഷ്.പി. എഴുതിയ കവിത
Mail This Article
×
വീടുകൾ
നാടുവിട്ട്
വയലുകളിലേക്ക്
നടക്കാനിറങ്ങുമ്പോൾ,
തോട്ടിൽ
ചുംബിച്ചു തുഴയുന്ന
പരൽ മീനുകൾ
ഭൂമിയുടെ
ഗർത്തങ്ങളിൽ ചെന്ന്
ആത്മഹൂതി നടത്തുന്നു.
വയലുകളെല്ലാം
അതിരിട്ട
ചതുപ്പിലേക്ക്
ആണ്ടുപോകുന്നു....
വരമ്പുകളെത്രെ
ലോറിക്കു കീഴിൽ
ചതഞ്ഞരഞ്ഞ്
ടാറിട്ട റോഡുകളായത്....
തെളിരേഖകളായിരുന്ന
തോടുകളും,
ഇറുക്കൻ ഞണ്ടുകളും
തവളകളും....
വെള്ളപുതച്ച
ഭിത്തിയിൽ
ഏതോ ചിത്രകാരൻ
കോറിയിട്ട
വരകളിൽ
ഒളിച്ചു പാർക്കുന്നു..
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
