നിശ – നീതു തങ്കം തോമസ് എഴുതിയ കവിത
Mail This Article
×
പകലൊളി മങ്ങിയനേരം
പറവകൾ കൂടണയുന്നൊരു നേരം
ആദിത്യൻ സമുദ്രത്തെ
ചുംബിച്ചതിലലിയുന്ന അസുലഭനിമിഷം
എല്ലാ സായാഹ്നങ്ങളും ഇത്രെമേൽ
സൗന്ദര്യം നിറഞ്ഞതായിരുന്നില്ല.
പശ്ചിമ ചക്രവാളമെൻ ആത്മാവിനെ
മന്തികരിച്ചു; ഞാനീ ലോകത്തിലെവിടെയെന്നും
ഞാനാരെന്നും ഞാൻ മറന്നു കഴിഞ്ഞു.
ചുറ്റും തണുത്ത കാറ്റ്; കഴിഞ്ഞുപോയ
പകലിന്റെ എല്ലാ ദുർഭൂതങ്ങളും
ആ ചക്രവാള ശോഭയിൽ മുങ്ങിത്താണു.
ഇനിയുള്ള നിശ നിലാവിന് സ്വന്തം
വെള്ളി വെളിച്ചവും ഒപ്പം കണ്ണുചിമ്മും
നക്ഷത്ര ലോകവും ഈ രാത്രിയെ
ഒരു മായാലോകത്തിലാഴ്ത്തി..
മനസ്സിലെ ആഗ്രഹങ്ങളെ ഒരു
വർണ്ണചരടിൽ കോർത്തു ഞാൻ എൻ
ആകാശക്കോട്ടയിൽ കാഴ്ചദ്രവ്യമായി
സമർപ്പിച്ചിടാം, രാത്രിയാമത്തിൽ
കിനാക്കളായി അവ പുനർജ്ജനിക്കട്ടെ.
Content Summary: Malayalam Poem ' Nisa ' written by Neethu Thankam Thomas
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.