കാലണികൾ – നാരായണൻ എഴുതിയ കവിത

ഓടും ചാടും വെള്ളം കണ്ടാൽ 

നിൽക്കും ചൊല്ലിൽ പേരെന്താവും

വേണം കാലിൽ ദൂരെപ്പോകാ-

നെന്നും ചേലിൽ കാര്യത്തോടേ.
 

രണ്ടാം കാലിൽ രണ്ടായിട്ടും

കുണ്ടാമണ്ടീ തമ്മിൽത്തല്ലാ-

തുണ്ടാകുമ്പോൾ മണ്ടീടാല്ലോ

പണ്ടാകുമ്പോൾ കഷ്ടപ്പാടാ.
 

കാലിൽക്കേറും കേമൻ കണ്ടാൽ

ചേലായ് പാകം വേണേയെന്നാ-

ലാരാധിക്കാൻ ക്ഷേത്രം പോയാൽ

വേണ്ടേവേണ്ടാ മാറ്റീടേണം.
 

പാദങ്ങൾക്കോ രക്ഷാമാർഗ്ഗം

പാരിൽ നൽകും മാറാതെന്നും

പാടേയുണ്ടാം ഫാഷൻ കാട്ടാൻ

തേടീടുമ്പോൾ മിന്നുംരൂപം!
 

കുഞ്ഞുങ്ങൾക്കായ് പീപ്പീ മോഡൽ 

പെണ്ണുങ്ങൾക്കോ ബ്യൂട്ടീ മോഡൽ

കണ്ണിൽ കാണും ആണുങ്ങൾക്കായ്

എണ്ണംപറ്റും വർണ്ണത്തോടും.
 

Content Summary: Malayalam Poem ' Kaalanikal ' written by Narayanan