ഉമ്മറത്തിരുന്ന് രാത്രിയെ നോക്കുമ്പോൾ – അബ്ദുള്ള പേരാമ്പ്ര എഴുതിയ കവിത

malayalam-poem-kinavukal
Photo Credit: TZIDO SUN/Shutterstock.com
SHARE

ഉമ്മറത്തിരുന്ന് രാത്രിയെ നോക്കുമ്പോൾ

പർദയിട്ട ഒരു പെൺകുട്ടിയെ ഓർമ വരും.

അവളുടെ മുഖവസ്ത്രത്തിന്റെ

ചന്ദ്രക്കല വട്ടത്തിലൂടെ കാണും കണ്ണുകൾ

തിളങ്ങും രണ്ട് നക്ഷത്രങ്ങൾ.

ഇളം കാറ്റിൽ ഒഴുകി ഭ്രമിപ്പിക്കും മേൽവസ്ത്രം

മേഘങ്ങൾ തുഴയും ആകാശം.

ഓർമയിലിപ്പോൾ തെളിഞ്ഞു കിട്ടുന്നു

വാതിലിൽ പിറകിലൊളിച്ച

ചിരിയുടെ ഒരു ചുണ്ടനക്കം.
 

മഴയ്ക്ക് മുന്നേയുള്ള

ചെറിയ ഇടിയൊച്ചകൾ ...

നോട്ടത്താൽ മിന്നൽ പായിച്ച്

രാത്രിയെ വെട്ടിപ്പിളർത്തിയ

നാണത്തിന്റെ ഒരു തുണ്ട്.

ഉമ്മറത്തിരുന്ന് രാത്രിയെ കാണുമ്പോൾ

മരിച്ച ചങ്ങാതിയെ ഓർക്കുന്നു ഞാൻ.

ഇടവഴിയിലെ പൂത്ത ചെമ്പകം

അവന്റെ ഒടുക്കത്തെ ചിരിയായ്

നെഞ്ചിൽ കനക്കും.
 

പ്രണയത്തിന്റെ ഇല ഞരമ്പുകളിൽ നിന്ന്

ഊർന്നു പോയ സ്വപ്നങ്ങൾ

കടുക് പാടങ്ങളായ് പൂത്തത്

ഈ ആകാശം മുദ്രിതമാക്കുന്നു.

തിളച്ച എണ്ണയിൽ പൊട്ടിത്തെറിക്കുന്നു

അവന്റെ വാക്കുകളെമ്പാടും.

ഉമ്മറത്തിരുന്ന് രാത്രിയെ വായിക്കുമ്പോൾ

ആകാശം ഒരു കടലായ്

അലകളിട്ടാർത്തു കരയുന്നു.

നിലാവിന്റെ വിരലുകളാൽ

ഉടഞ്ഞ ശംഖിൽ കവിത കുറിക്കുന്നു.
 

Content Summary: Malayalam Poem ' Ummarathirunnu Rathriye Nokkumbol ' written by Abdullah Perambra

Disclaimer

മനോരമ ഒാൺലൈൻ യുവർ ക്രിയേറ്റീവ്, റൈറ്റേഴ്സ് ബ്ളോഗ് സെക്‌ഷനുകളിൽ പ്രസീദ്ധികരിക്കുന്ന കഥ, കവിത, ലേഖനം എന്നിവയുടെയും മറ്റു രചനകളുടെയും പൂർണ ഉത്തരവാദിത്തം ലേഖകർക്കു മാത്രമായിരിക്കും. രചനകളുടെ പകർപ്പവകാശം സംബന്ധിച്ച പരാതികളിൽ മനോരമ ഒാൺലൈനോ മലയാള മനോരമ കമ്പനിയോ കക്ഷിയായിരിക്കുന്നതല്ല

മനോരമ ഓൺലൈനിൽ നിങ്ങളുടെ രചനകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ രചനകൾ പേരും വിലാസവും ഉൾപ്പെടെ literature@mm.co.in എന്ന ഇമെയിൽ വിലാസത്തിലേക്ക് അയച്ചു തരിക.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എല്ലാവർക്കും ഇഷ്ടപ്പെടും രുചിയിൽ ചില്ലി മഷ്റും

MORE VIDEOS