തെറ്റും ശരിയും – ഹരിഹരൻ പങ്ങാരപ്പിള്ളി എഴുതിയ കവിത
Mail This Article
×
തെറ്റുകളെന്നോ ഉദിച്ചൊരാ ചിന്തയിൽ
നട്ടംതിരിഞ്ഞു ഞാൻ ശരികളെത്തേടി.
ആരൊക്കെയോ എഴുതി പിടിപ്പിച്ച
പുസ്തകത്തിൽ നിന്നുമായ് തല്ലി
പഠിപ്പിക്കാൻ നോക്കിയ ശരികളെ
നാട്ടിലും വീട്ടിലും കാണാതെ
ഉഴലുന്നനേരം മന:സ്താപം മനസ്സിലാക്കി
ഗുരുനാഥൻ ഒരുനാൾ എന്നോട്
ചൊല്ലിയ വാക്കുകൾ ഇന്നും
മനസ്സിൽ മായാതെ മറയാതെ
കിടക്കുന്നതിങ്ങനെ!
'തെറ്റും ശരിയും ആരും
പറഞ്ഞറിയേണ്ടതല്ല കുഞ്ഞേ
എല്ലാം നിൻ ജീവിതം തന്നെ
ആ അനുഭവക്കാഴ്ചപ്പാടുകൾ മരണംവരെയും
പഠിപ്പിക്കും നിന്നെ, ശരികളും തെറ്റുകളും'.
Content Summary: Malayalam Poem ' Thettum Sariyum ' written by Hariharan Pangarappilli
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.