ഗാന്ധിയപ്പൂപ്പൻ – രാജി എഴുതിയ കവിത

മിഴിവാ൪ന്നു നിൽപ്പൂ തവ ചാരുചിത്രം

പല്ലില്ലാ മോണകാട്ടിയാ ചിരിയും

വാത്സല്യം വഴിയും വദനാബുജവും

വട്ടക്കണ്ണടയും ഒറ്റമുണ്ടും

ച൪ക്ക തിരിക്കും മെലിഞ്ഞ കൈകളും

കൺകളിൽ നിറയും സ്നേഹവായ്പും

സ്വാതന്ത്ര്യലബ്ധിക്കായ് പൊരുതിയൊ–

രാ വലിയ മനസ്സിൻ ദൃഢനിശ്ചയവും

"മഹാത്മാ" വിശേഷണം അങ്ങേയ്ക്കുനൽകി

യൊരമ്മഹാത്മാവിൻ ദീർഘ ദ൪ശനവും

ഭാരതാംബതൻ പ്രിയ പുത്രനായി

ഭാരതത്തിൻ രാഷ്ട്ര പിതാവായി

തവ നാമം എന്നും പരിലസിപ്പൂ

അമ്മ തൻ മക്കളിൽ എന്നുമെന്നും
 

Content Summary: Malayalam Poem ' Gandhiyappooppan ' written by Raji