കുളിർ മഴ – മുഹമ്മദലി പടിഞ്ഞാറെ വടക്കയിൽ എഴുതിയ കവിത

ഹൃദയ ജാലകം തുറന്നു നീ 

അകത്തു വന്ന നേരം

നൊമ്പര മനസ്സിൽ പെയ്തിറങ്ങി 

തെളിനീരിൻ കുളിർ മഴ.

അന്നുതൊട്ടെൻ ഹൃദയവീചിയിൽ 

സാന്ത്വന വീണ മീട്ടി നീ പാടി.

മകര മഞ്ഞിൻ കുളിരായി നീ 

വീശി വന്നിടും നേരം.
 

നിൻ മധുരമാം പാട്ടിലെ 

ഈണമായി ഞാൻ മാറും.

വെൺമുകിലിൽ തേരിലേറി 

വന്നു നീ എന്നരികിൽ.

ഞാനെഴുതും കവിതകളിൽ എന്നും 

നായികയായി നീയല്ലോ.

ഇനിയുമൊരു ജന്മമുണ്ടെങ്കിൽ 

അവിടെ നീ ഉണ്ടാവണം.

പ്രണയ മഴയിൽ ഇനി ഒന്നായി 

നനഞ്ഞിടും നമ്മൾ.
 

Content Summary: Malayalam Poem ' Kulir Mazha ' written by Muhammad Ali Padinjare Vadakkayil