നിത്യനിദ്ര – സയ്യിദ് സിനാൻ പരുത്തിക്കോട് എഴുതിയ കവിത

എവിടെയാണെങ്കിലും

ഏത് നേരവും

നിഴലായ് നമ്മെ പിന്തുടരും

പ്രിയ സുഹൃത്താണ് മരണം..
 

കാലഭേദങ്ങളില്ലാതെ

കൽ തുറുങ്കിലായാലും

വിടപറയാ സത്യമാണ്

മരണം..
 

അന്ത്യ ശ്വാസത്തിൻ

പിടച്ചിലിൻ നേരത്ത്

കരകവിഞ്ഞൊഴുകും

കൂടപ്പിറപ്പുകളുടെ കണ്ണീർ പുഴകൾ..
 

പട്ടുമെത്ത വിരിക്കാത്ത

കുളിര് പകരും യന്ത്രമില്ലാത്ത

കൂട്ടുകാരായാരുമില്ലാത്ത

മൺകൂരയാണ് പിന്നെ വീട്..
 

ഇരുട്ടു പാകിയ

ഒറ്റമുറിയിൽ

ഉറ്റവരെ പിരിഞ്ഞ്

ഒരിക്കലെനിക്കും

നിത്യശയ്യയൊരുങ്ങും..
 

Content Summary: Malayalam Poem ' Nithyanidra ' written by Sayyid Sinan Paruthikode