ADVERTISEMENT

എനിക്കിന്ന് കതിരിന്റെ മണമാണ്‌ 

പക്ഷികൾ വരുമായിരിക്കും,

കൊത്തിപ്പകുത്ത് കളിച്ചു മറിഞ്ഞു

വിളവെടുപ്പിന്റെ വിളവെടുക്കാൻ
 

കുഞ്ഞുപാദങ്ങൾ കൃഷിക്കാരന്റെ

പോൽ കഠിനമായി ചവിട്ടില്ല

അവർ ഇടയ്ക്ക് ചിരിക്കും, ചിരി -

എനിക്കേറേ ഇഷ്ടമാണ്
 

അയാൾ പലപ്പോഴും ചിരിച്ചിരുന്നില്ല,

പകുതി അടച്ച മനസും!

അല്ലെങ്കിൽ വെയിലിൽ വിയർത്തു

ആർക്കെങ്ങനെ ചിരിക്കാനാവും..?
 

മഴയും കാറ്റും വേനലും..., ചിരി-

അയാൾക്കൊപ്പം ഞാനും മറന്നോ?

അല്ല, പുതു ഞാർ നട്ട ദിനത്തിൽ

അയാൾ ചിരിച്ചിരുന്നു. ഞാനും
 

പണ്ടൊക്കെ പാട്ടുണ്ടായിരുന്നു

ഇപ്പോൾ ശടപട ശബ്ദങ്ങൾ...,

പണ്ടൊക്കെ അവർ വരമ്പത്തിരുന്നു

കഥയും പറഞ്ഞിരുന്നു
 

"ഞാനങ്ങനെ ലോകം കണ്ടേ...

ഏനൊപ്പം നീയും കണ്ടേ...

നീ പിന്നെ എന്നെ മറന്നേ..

ഞാൻ നിന്നെ കാത്തുമിരുന്നേ.."
 

ചിരി വരുന്നുണ്ടോ

കുട്ടികൾ വരണുണ്ട്.., മണ്ണിന്റെ,

എന്റെ മനസിന്റെ ഭാഗമാകാൻ.

ഇനി കളികഴിഞ്ഞു കാണാം
 

Content Summary: Malayalam Poem ' Mannu ' Written by Litheesh

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com