വാർന്നു പോയ ചോര തൻ

ചരിത്ര സ്മൃതിയിൽ നിന്നു

നാം വീണ്ടുമാദരങ്ങൾ കൊണ്ട്

മൂടിടേണ്ടൊരീ ദിനം.!
 

നോവ് തിന്നു മാഞ്ഞു പോയ

തെത്ര രക്തസാക്ഷികൾ

വിപ്ലവങ്ങളേറെയുണ്ട് നമ്മൾ

നമ്മളായതിന്നു മുമ്പതേ...
 

നേരിടും കരുത്തിനാലനീതി

കൾക്കുമേലെയും, നീതിതേടി 

സംഘടിച്ചു ശക്തിയാൽചെറു-

ത്തു പിന്നഗ്നിയായ് ജ്വലിച്ചവർ!
 

സമരതീരമന്നതിൽ വിവിധ

മുറകൾ കൊണ്ടതും, സത്യവും

അഹിംസയും സമന്വയിച്ച സത്യാ-

ഗ്രഹങ്ങൾക്കു സാക്ഷിയായതും.!
 

സ്മരണയിൽ കൊരുത്തിടാം

തൻ സിരകളിൽ നിറച്ചിടാം,

ചോര ചിന്തി നേടിയൊരീ സ്വാത-

ന്ത്ര്യമൊന്നു കാത്തു കാത്തിടാം..!
 

Content Summary: Malayalam Poem ' Swathanthrya Smarana ' Written by Abhilash Panikkasseri