ADVERTISEMENT

നിഷേധിക്കപ്പെട്ട

നിശ്വാസങ്ങളേ !

ചീന്തിയെറിയപ്പെട്ട

പ്രണയപുഷ്പങ്ങളേ !

ഒരു തുപ്പലിന്റെ വെറുപ്പിനോളം

പെരുവഴിയിലുതിർക്കപ്പെട്ടവരേ !

വിശ്വാസത്തിന്റെ തീക്കുംഭം

ശിരസ്സിലാളപ്പെട്ടു

കരിഞ്ഞുവീണ കദനങ്ങളേ!
 

തൻ നിഴലെന്ന നിജത്തിന്റെ

നേർമയറിയാതെ

നക്കിത്തുടച്ചുമാറ്റപ്പെട്ട

സംസ്കാരസമ്പന്നതയെ

നെറ്റിമേലൊട്ടിച്ച

കീറക്കടലാസിന്റെ പെരുമയാക്കിയ

ഭാവരൂപങ്ങളേ!

വേണമീ പരാജയജീവിതങ്ങൾക്കു

മുൻപിലൊരു ഛായാമുഖി.
 

മഹാഭാരതത്തിലെയു-

ള്ളുനൊന്ത ഭീമനും,

നൊമ്പരച്ചൂടിന്റെ വേവേറ്റു

വേരടർത്തിയകലേ

മറഞ്ഞൊരാഹിഡുംബിയും,

അലഞ്ഞ മനസ്സിന്നകമറിഞ്ഞ

കീചകനും,

തിരിച്ചറിഞ്ഞ സത്യത്തിനായ്

ഈ മണ്ണു തേടണമിനിയുമൊരു

ഛായാമുഖിക്കായ്.
 

സത്യമേഘത്തിന്റെ

മഴകൊണ്ടുണരുവാൻ,

ധർമ്മജലത്തിനാൽ

വരണ്ടചുണ്ടുകൾക്കു

ദാഹമകറ്റുവാൻ,

എന്നിലൊരു ഛായാമുഖി

സ്വപ്നമായുണരുന്നു.

വേണം !!

ഇവിടെയിനിയുമൊരു

ഛായാമുഖി !!
 

Content Summary: Malayalam Poem ' Chayamukhi ' Written by Pramodini Das

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com