മനംനിറയുമ്പോൾ – എസ്. ശ്രീകാന്ത് അയ്മനം എഴുതിയ കവിത

ഓണമുണ്ണാൻ തൂശനിലകൾ നാവ് നീട്ടുമ്പോൾ 

ചമ്രം പടഞ്ഞിരുന്ന് സന്തോഷത്തിൻ ഓണം ഉണ്ണെണം

തുമ്പചോറും പരിപ്പ് നെയ്യും പപ്പടവും 

കൈകുമ്പിൾ നിറയ്ക്കുമ്പോൾ ഓണമുയരും 

പൂവിളി പോലെൻ മനം നിറയേണം
 

ഓലൻ കാളൻ തോരനുപ്പേരികൾ നാലും തീയൽ 

സാമ്പാറവിയലിനൊപ്പം ഇലയിലിടം പിടിക്കേണം

പച്ചടി കിച്ചടി വറുത്തരച്ചൊരിഞ്ചിക്കറിയും 

ഇലയ്ക്കരികിൽ ഗമയിലിരിക്കുമ്പോൾ
 

തൊണ്ടുവിരൽ കൊണ്ടവയുടെ മന്ത്രം 

നാവിൽ ജപിക്കേണം

പാലട പഴവും പപ്പടവും നാവിൽ

രുചിയുടെ രസം നിറയ്ക്കുമ്പോൾ

ഓണത്തപ്പാ കുടവയർ നിറഞ്ഞെന്നുള്ളം ചൊല്ലെണം
 

Content Summary: Malayalam Poem ' Manamnirayumbol ' Written by S. Sreekanth Aymanam