1. ഓർമ്മകൾ

സ്മൃതികൾക്കു സ്തുതിപാടും

കോകിലമാകിടും മനം..

മൃതിയിലോ വൃതിയായിടും

സ്മൃതിനൂപുരം മറയുമതതിനൊപ്പം
 

2. കാലം

കാലമേ.. നീ നിന്റെ

ഘടികാരസൂചിയിത്രമേൽ

ശീഘ്രം പായിപ്പതെന്തിന്..

ഓടിയോടി തളർച്ച പറ്റീടുമ്പോൾ

തണലു തേടീടുകിലും നേടാതെ

വീണ്ടും തുടരേണ്ടു ചലനം..

അത്രമേൽ വേഗതയാണു

നിനക്കു കാലമേ..
 

3. ഓമൽ

അങ്ങു കിഴക്കിലൊരു

അതീവ ജ്വാലയുണരുന്നു

അത്രയും കേമമായ്

അതിശോഭനീയമായ്

അലരുകൾ മലരുകൾ

അനവധിയായുണ്ടിങ്ങിൽ

അതിനെക്കാൾ ഉറ്റതായ്

അടങ്ങാ ധ്വനി തീർത്ത്

അകലെയുണ്ടോമലാം മനതും
 

4. പ്രകൃതി 

നറുമണമേകും പൂക്കളുമാകെ..

നിറയും വാടിയിലലിയും മനമാകെ..

നിറശബളത തൂകും പ്രിയതരപ്രകൃതി..

നൽകുകയീ ധന്യത എന്നിലെന്നിലും..