ചിലരുടെ മനോരമം

മറ്റൊന്നിന്റെ മനോവിഷമമായി മാറി

വിയത്തിൽ കരിമ്പുക തീർത്തവർ

ഭൂമിയെ കറുപ്പാക്കി

ചിന്തയും ലോകവും മലിനമായി
 

അന്തരം പിടക്കുന്ന നിശ്ചല ദേഹം,

അവർക്കെന്തൊക്കെയോ പറയാനുണ്ടായിരുന്നു

ചെയ്തുതീർക്കാനുണ്ടായിരുന്നു

തൊട്ടുരുമി ഒന്നായി വളർന്ന രണ്ട് ചെടികൾ;

പെട്ടെന്ന് ഒരു പ്രഭാതത്തിൽ രണ്ടായി
 

വളർന്നുവന്ന സുന്ദര പൂക്കളുടെ

ഇതളുകൾ മെല്ലെ ഓരോന്നായി കൊഴിഞ്ഞുവീണു

വെളിച്ചത്തെ ഇരുട്ടാക്കി

ചെറിയ ഓളങ്ങൾ കല്ലോലമായി മാറി

ചുവന്ന പുഴകൾ രചിച്ചവർ

മൂർച്ചയുള്ള ആശയത്തെക്കാൾ 

ആയുധങ്ങളിൽ വില കൊണ്ടു
 

സാഹസത്തിൽ പരിഭ്രാന്തി പിടിച്ച

കരച്ചിലും വെടിയൊച്ചയും പരസ്പരം 

ഒരനർഘനിമിഷമെന്നപോലെ കണ്ടുമുട്ടി

സമാധാനം ഉയർത്തിക്കാണിച്ചപ്പോഴേക്കും

അവരൊരുപാട് നിർധനരായ അനാഥ 

കുടുംബത്തെ സൃഷ്ടിച്ചു വെച്ചിരുന്നു