ഇനിവരുമോ – ശ്രീപദം എഴുതിയ കവിത

ഇനിവരുമോ, നിറസാന്നിധ്യം 

വഴിയുംനാളുകൾ.. 

ഇന്നെന്നഭാവമറിഞ്ഞിട്ടും 

അറിയാതെ പോകുന്നതെന്തേ.. 
 

ഓർമ്മകളുടെ കുഴിമാടത്തിലെന്നെ-

യടക്കവും ചെയ്തുവോ...

പുതിയമാനം തേടിയുള്ള യാത്രയിലെൻ 

വികാരവിചാരങ്ങളൊരു വിഘ്‌നമാകാതെ 

വഴിമാറാം ഞാൻ...
 

ഖനീഭവിച്ചൊരെന്നുള്ളിലെ

യഗ്നിപർവ്വതം

ചീറ്റിച്ചോരതുപ്പുന്ന 

നേരമെൻ നെഞ്ചകം തല്ലി തകർത്ത് 

ഞാനും കത്തിയമരാം...
 

പെയ്തു തോരാത്ത കണ്ണീർമേഘങ്ങളേ, 

നിങ്ങൾക്ക്

കെടുത്തുവാനാകുമോ 

എന്നിലെ തീ...