റൊട്ടിക്കഷ്ണം – സി. കെ. ഹിസ്മത്ത് എഴുതിയ കവിത

മിസൈല്ലിന്നുചുമരുകളില്‍,

പിറന്നതാണ് ഗസ്സ.

ആയിരത്തിന്‍റെ വരിയില്‍ നിന്നും

കിട്ടിയ റൊട്ടിയുമെടുത്തോടി.
 

അടുക്കള പണിയെല്ലാം കഴിഞ്ഞ്, 

ഉമ്മ വിളിച്ചു,

'റൊട്ടി വെച്ചിട്ടുണ്ട് വരീം'

എല്ലാവരും ഒരുമിച്ച് കഴിച്ചു.
 

അവള്‍ വാശി പിടിച്ച്,

പാവ എടുക്കാന്‍ ഓടിയതാ,

ഗസ്സ ബാക്കിയായി,

തകര്‍ന്ന താളുകളോടെ.
 

പൊളിഞ്ഞ കല്ലുകള്‍ക്കു,

റൊട്ടി വീതിക്കാന്‍ തുടങ്ങി.

ഇത് അബ്ബക്ക്, ഉമ്മക്ക,് ഇയ്യാക്ക്.

മൂന്നു കഷ്ണവും കല്ലുകള്‍ക്ക്
 

ഓരിവെച്ചതില്‍ വലിയതും, 

കടിച്ചോണ്ടോടി.

ഒടുങ്ങാത്ത പൂത്തിരി മഴ,

നോക്കി നില്‍ക്കുവാന്‍ മാത്രമായി.