ഋതുക്കൾ – മുഹമ്മദ്‌ ഷെറിൽ എഴുതിയ കവിത

തീർഥം

വേനൽ വെയിൽ പടരവെ 

ആരോ തെളിച്ച തീർഥം പോൽ തൊട്ടു പുതുമഴ 

നിറയുകയായി പുതുഗന്ധം
 

ധ്യാനം 

മഴ നനഞ്ഞ പകൽ ഒറ്റക്കീ 

ഇറയത്ത് മഴയുടെ പാട്ട് കേട്ടലിയുന്നു ഞാൻ 

എന്നിലും ഓരോ തുള്ളി മഴയിലും
 

ദളങ്ങൾ 

വർഷം ബാക്കി വെച്ച നിറങ്ങൾ 

അലിയുമീ കാറ്റിൽ ദളങ്ങൾ മൂളും ഗീതികൾ 

അണയും ശരത് കാലം ശാന്തം മനോജ്ഞം
 

രാവ്

ശാന്തം ശിശിരകാല രാവ് 

ഒഴുകുന്നു പ്രണയനദിപോൽ അനന്തമായി 

നിലാവായി കുളിർ കാറ്റായി....
 

ഒരില

ഇല പൊഴിഞ്ഞീ മരത്തിൽ 

ഒരില കലാന്തം വസന്തം കാത്തുനിൽക്കവേ 

വരവായി പറവകൾ വാനിൽ