ഒരിക്കലൂടെ നാം സ്നേഹമായ് മാറുക – നൈന മണ്ണഞ്ചേരി എഴുതിയ കവിത

പ്രണയ വർണ്ണങ്ങൾ നിറഞ്ഞു നിൽക്കുന്നു

പ്രണയ സരോവര തീരങ്ങളിൽ..

മഞ്ഞു പെയ്യും മലനിരയ്ക്കപ്പുറം

മധുര സ്വപ്നങ്ങൾ പകരുന്ന വേളയിൽ
 

സ്മൃതികളിൽ മങ്ങാതെ മിന്നി നിൽക്കുന്നു

കാലം നിറം ചേർത്ത സ്നേഹ ചിത്രങ്ങളായ്

നിറയും നിലാവിന്റെ ചാരുത തൂലിക..

ത്തുമ്പിൽ വരച്ചിട്ട പ്രണയ കാവ്യങ്ങളായ്...
 

സ്നേഹ ഗാനങ്ങൾ പതിയെ മൂളുവാൻ

അരികു ചേർന്നെന്റെ ശ്രുതിയായി നിൽക്കുക

ഒരു തലോടലായ് ഓർമ്മ തൻ തീരത്ത്

ഒരിക്കലൂടെ നാം സ്നേഹമായ് മാറുക...