പിടയുന്ന ഭൂമി – നസൽ നീരോൽപാലം എഴുതിയ കവിത

(ഫലസ്തീൻ യുദ്ധഭൂമിയിലൂടെ ഒരു യാത്ര)

പ്രഭാതത്തിലെഴുന്നേൽക്കാൻ

അവൾക്കായില്ല

കൺമുന്നിലിരുന്ന അസ്റാഈ

ലവളോട് ചോദിച്ചു
 

മരണചിത്രങ്ങൾ....

നൊമ്പരക്കാഴ്ചകൾ....

വേവുന്നമനസ്സേ....

നിനക്കെവിടെ സമാധാനം?

നിനക്കെവിടെ നല്ല പ്രഭാതം?
 

മൗനമായിരുന്നു അവളുടെ മറുപടി

കൂടെ പോകുവാൻ അവൾ

തയാറായി

യാതൊരു പ്രായസമോ

നീരസമോ അവൾ കാണിച്ചില്ല

ഇത് കണ്ട ഗസ്സ അവിടെ

മനം നൊന്ത് മരിച്ചു