വർഷങ്ങൾക്ക് ശേഷം.. – ഇബ്രാഹിം പഴയങ്ങാടി എഴുതിയ കവിത

മറക്കാനാവാത്ത ചില ഓർമകളെ 

മീൻ പെട്ടികൾക്കുള്ളിലാക്കി..

വർഷങ്ങളോളം കാൽനടയായി

വീട്ടുവഴികളിലൂടെ നടന്ന്

ജീവിതായുസ്സ് മുഴുവൻ രസിച്ചു

തീർത്ത ചില ഓർമ്മകൾ..
 

അത്പോലെ..

കുട്ടനിറയെ ഝഷത്തെ നിറച്ച്

വർഷങ്ങളായി കൂടെ സംസാരിച്ചുകൊണ്ട്..

അങ്ങാടി വഴിയോരങ്ങളിലൂടെ നടന്ന്

നീങ്ങുന്ന തങ്കേച്ചിയുടെ പൂച്ച

കുഞ്ഞുങ്ങൾ പറയുന്ന ചില സ്മരണകൾ
 

വർഷങ്ങൾക്ക് ശേഷം

അവയെല്ലാം ഒന്നോർത്തെടുക്കാൻ

തെരുവുകളിലൂടെ നടന്ന എന്റെ 

കാതുകളിലേക്ക് പെട്ടെന്ന്

തുളച്ചു കയറിയ 'കൂയ്..'

ശബ്ദങ്ങൾക്ക്

ഇന്നെത്ര മാധുര്യം..

ഇന്നെത്ര മാധുര്യം..