പറയാൻ ആഗ്രഹിച്ചത് പറയണോ? – ജോ ഈറാനി എഴുതിയ കവിത

പറയാൻ ആഗ്രഹിച്ചത് പറയണോ? 

എല്ലാം എനിക്ക് പറയണമെന്നുമുണ്ട്.... 

നിന്നെ കാണുമ്പോൾ 

പറയാൻ വന്നത് എവിടെയോ പോയി.
 

എത്രയോ കാലമായി 

മനസിൽ നിറഞ്ഞു നിന്ന 

പറഞ്ഞറിയിക്കാനാവാത്ത 

വേദന നിറഞ്ഞ സുഖമാണ് നീ. 
 

അമ്പലത്തിലേക്കുള്ള ഇടവഴിയിൽ 

നിന്നെ കണ്ടില്ലയെങ്കിൽ 

എന്റെ ഹൃദയം പിടയ്ക്കുന്നത് 

നീയറിഞ്ഞിരുന്നുവോ? 
 

ആലിൻ ചുവട്ടിൽ നിന്നെ കണ്ടില്ലയെങ്കിൽ 

എന്റെ പാദം വിറക്കുന്നതു നീ കണ്ടില്ലയോ? 

നിന്നോടുള്ള എന്റെ പ്രണയം

ഒരു വാക്കിൽ തീരില്ല....