മിഴികളുടെ തടവുകാരി – അളക എസ്. മധു എഴുതിയ കവിത

നിന്റെ മിഴികളുടെ ആഴമറിയാൻ

വെറുതെ നോക്കി

അവയിൽ മുങ്ങിത്താണൊരുവള്‍!
 

നിലയില്ലാ കയങ്ങളിൽ ഒഴുകി പോയത്

ഹൃദയമോ പ്രജ്ഞയോ?

ഒറ്റനോക്കിൽ ശ്വാസം നിലച്ചവൾ

ഇമവെട്ടാൻ മറന്നുനിന്നു
 

അവളെ തളച്ചതു

നിലച്ച ശ്വാസമോ

കൊളുത്തിയ നോട്ടമോ?
 

മിഴികൾ പിൻവലിച്ചു

തിരിഞ്ഞു നടക്കവേ,

വഴിമറന്നവൾ വീണ്ടും മടങ്ങുന്നു.
 

ആഴം അളന്നു തീരാതവൾ

ആ നോക്കിനുള്ളിൽ കുടിയിരുന്നു!

പൂട്ടുക നീയാ ഇമകൾ..

അവൾക്കു പോകാൻ ഇടമേതുമില്ല!