ഫഹദ് ഫാസിലും അൻവർ റഷീദും ആദ്യമായി മുഴുനീള ചിത്രത്തിനായി ഒന്നിക്കുന്നു. ഫഹദിനെ നായകനാക്കി അൻവർ സംവിധാനം ചെയ്യുന്ന ചിത്രം ഈ വർഷം പുറത്തിറങ്ങും. 2016ൽ ഈ ഒരു ചിത്രത്തില്‍ മാത്രമേ ഫഹദ് അഭിനയിക്കൂ. ഇതൊരു ബിഗ് ബഡ്ജറ്റ് ചിത്രമായിരിക്കും.
Fahadh Faasil | Exclusive Interview | I Me Myself | Manorama Online
ഉസ്താദ് ഹോട്ടലിന് ശേഷം അൻവർ നിർമാണ രംഗത്തേക്ക് മാറിയിരുന്നു. അൻവർ റഷീദ് എന്റർടെയ്ൻമെന്റിൽ നിർമിച്ച ബാംഗ്ലൂർ ഡെയ്സും പ്രേമവും സൂപ്പർഹിറ്റ് ചിത്രങ്ങളായി മാറി. 2013ൽ അഞ്ചു സുന്ദരികൾ എന്ന ചിത്രത്തിൽ ഫഹദിനെ നായകനാക്കി ആമി എന്ന ഹ്രസ്വചിത്രം അൻവർ സംവിധാനം ചെയ്തിരുന്നു.
ദിലീഷ് പോത്തൻ സംവിധാനം ചെയ്ത് ആഷിക് അബു നിർമിക്കുന്ന മഹേഷിന്റെ പ്രതികാരമാണ് ഫഹദിന്റേതായി പുറത്തിറങ്ങുന്ന പുതിയ ചിത്രം. ഫെബ്രുവരി അഞ്ചിന് ചിത്രം തിയറ്ററുകളിലെത്തും.
×
